Liefde soos fluweel

Elzabe Kritzinger

Allerliefste soetpatat van my
my lewe lank probeer ek om jou lief te kry
was jou oë effens groener het ek duisend penne leeggeskryf
sou ek liefde gee soos fluweel
maar op die einde sal ons alles weet

My oompie mediteer in Soutrivier
sy bure kuier sonop met ’n six-pack bier
my tannie lees poësie op die sondek voor die huis
sy gee haar liefde soos fluweel
so aan die einde sal ons alles weet

Refrein :

Jy moenie bloei of seerkry in die diepsee nie
want as jy liefde soos fluweel wil hê
moet jy jou diep gevoelens in my oor kom sê
en sê dit slaaptyd met ’n slaaptydstorie

Kristiaan se swartoog-vrou van Beijing
dra haar aweregse lyftaal in ’n sakkie kokaïen
haar lewe is ’n grappie, ’n Chinese feëverhaal
sy gee haar liefde soos fluweel
reg op die einde sal ons alles weet

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.