Elzabe Kritzinger

Lapis lazuli

hier in die land van die Amagaika
word ek ouer
word ek ’n antique
met ’n borsspeld en my ou klavier
’n Ludolf Waldmann (Berlin) met wieletjies
hy kos baie riksdaalders
ek ry hom sangles toe

in my huis se voorste kamer
is boeke wat Freud se breinwaves uitlê
asook ’n Venus Flytrap
bandoliere gevul met koffie uit Bali
en musiek wat soen

met my Lapis Lazuli borsspeld
my blounootblou klip vol minerale
geset in silwer en goud
my Egiptepiramidesteen
ry ek sangles toe
daar blaas my longe atome op
en ek sing tay-ee-ah-oh
metodo pratico
en my Lapis Lazuli
my vredemaker in die Baai van Algoa
kus my soos musiek

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.