Pelgrimstog

Angie Kleijn

Die nagwind het my bloed bestuur.
Dronk van reën-drink spyker ek jou aan hout vas
met seewier. Maar skielik is die mas ‘n kruis
en daar’s drie manne wat na ‘n ster wys
dwarsdeur die gat in jou hand.

Hoeveel keer het ek en jy alweer
langs mekaar beland sonder
dat ek jou herken, wonder
oor iets in jou oë, jou stem?

Donkeraand en my stom
silwerstukke blink in die maan,
krom gelykenis van ‘n pelgrimstog –
Les Een in bedrog: Om te lees
oor ‘n reis is nie om op een te wees nie.

Skattejag Les Twee op vaart in ‘n seerowersee:
Moenie die kaart met die gebied verwar nie.
Plat papier is nie bar nie,
maar jy kan van honger vrek
as jy aan ‘n resepteboek lek.

Wag. Was dit ek? Wrede ligjare gelede
gisternag saam met jou?
Pelgrimstog. Greep-vir-greep onthou.
Hulle sê die beste kom nog.




LitNet: 01 November 2005

Klik hier en sluit aan by ons nuusbrieflys vir jou weeklikse dosis oemf! Klik hier om die nuutste nuusbrief te sien

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.