Piet de Jager

ek wat vir eeue aan jou dink
voel jou altyd naby in die skare
op die note wat jou passie simuleer
terwyl ek dirigeer hoor ek jou
huil oor my dood op Mont-St-Jean;
waar het ek jou die eerste keer gesien?
dalk met ’n verfkwas in Florence
dalk met blomme op die plein
in Istanboel of deur ’n draad
in bloed, ’n hoer onder klippe
’n ketter tussen vlamme
onder ’n kruis op pad na my toe?
hoeveel lewens moet ons lewe
om elke spasie, elke pes
wat afstand maak te kruis?
kom ons klouter oor die mure van vleis
ontglip die maaiers in die mond
weg uit die komieklike stoom van parings
uit die onherbergsaamheid van mensheid
onder sy doringkrone uit
kan ons plante word: ek lewend
op jou geënt
’n wingerd wat vir geslagte om jou singel
met jou rank
deur onbegonne helderheid

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.