Woorde

Neels Jackson

Ouer as die berge
is woorde.
Nog voor die aarde daar was,
swewend oor die woeste water, het die Groot Gees al
gesê.

Gruweliker as moorde
is woorde
wat van vroeg af uitskel, oprui, aanhits, opkerf, uitmoor ...

Kragtiger as kanonne
is woorde
wat kleingeweer en grofgeskut stilmaak
wat bomme laat ophou, troepe laat terugkom as mense vrede
praat.

Kosbaarder as pêrels en korale
is woorde
wat van die begin af die goddelike boodskap dra,
dié boodskap wat, sê die Woord, later vlees geword het
maar in die begin al Woord was, by God, self God.

Ontsagwekkend in hul goddelikheid
is woorde.

Laat ons stil word
en gedigte skryf.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.