Verkoop

Isabella Louw

Was ik maar een dichter
Dan kon ik dichter bij jou zijn
Stef Bos

, maar ek is 'n huis
met gladde plankvloere
en 'n gang waarop kinders in sokkies skaats.
Waar Mr Min, of generiese derivaat,
wit skuimerig gespuit word
op egte ou hout of gelamineerde embuia.
Met druppels op die toilet se bril en kussings wat stink na kop.
Waar vriende, in die tussenposes van gesprekke oor eiendom en ambisie,
staar naar spinnerakke in hoeke.

Ek is 'n hoerhuis
ek naai myself.
En ook 'n hospitaal
met hysers, lanklaas gediens deur Otis,
wat pap blomme wiegend wippend boontoe dra
om op D8 deur stowwerige vensters te sien daar is niks daarbinne,
net die Tier se berg.

Ek is 'n tronk
voete vasgemessel tussen tone van bome -
een deel elk klip, sand, sement,
met mure wat binne hou wat buite wil wees

waar ek bly.



LitNet: 18 Mei 2005

Klik hier en sluit aan by ons nuusbrieflys vir jou weeklikse dosis oemf! Klik hier om die nuutste nuusbrief te sien

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.