richtersveld

Henk Havenga

die lewe het amper hier gewyk.
vaal sandriviere vloei
uit gevoude bruin berge
in hierdie oertoneel,
waar skerpioene
tussen klippe skuil,
nomade vir eeue reeds
met bokke die gebergtes
in verdwyn en halfmense
verlangend oor die skouer
hunker na 'n groener tyd.
net een slagaar klop stadig,
oranje. sy naam is gariep.
op sy oewers dreun en skud,
soos 'n hartlongmasjien,
reusevoorlaaiers en trokke,
voerbande, dromme en siwwe,
deur die oewerterrasse
van die paleokanaal.
hulle soek na blink bewyse
van vergete spuwende vulkane,
lank gelede deur vloed en gletser
weggevoer en hier vergeet.

op sanddrift se stowwerige aanloopbaan,
neffens die beechcraft baron,
word ek, digitaal, vasgevang.



LitNet: 05 April 2005

Klik hier en sluit aan by ons nuusbrieflys vir jou weeklikse dosis oemf! Klik hier om die nuutste nuusbrief te sien

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.