|
|
|
|
|
|
Henk Havengavlugskrif(op die laaste bladsy van ’n goedkoopsagtebandboek uit die lughawewinkel grif ek tussen paragrawe en halwe reëls my groewe hart los. die liggie uit die dak sny deur die donker geblikte lug en vorm die swart inkvloeisels van die pen.) stuwend het die 737 om 6:15 skierlik gebars deur die grys gordyn wat gauteng oornag oorrompel het: binne-in ’n skitterwit eindelose kammasee met ’n briesende son wat in ’n stralekrans deur die oostevenster brand. oos-londen was wonderbaarlik windstil en blou. teen laatmiddag stoei ons teen die onvermydelike ooskaapwind terug na die vliegtuig. die kaptein vertel met ’n boerbek in ingels van donderstorms oor johannesburg ─ ons sal moet sirkel. meteens is ons omring deur yswit en swartblou torings waarin oerkragte flikker. die vliegtuig kantel en ons word ’n dun wit pyl van geribde metaal wat deur donkerdik malende lug sirkel en skud met die klink van ’n los glas of bottels in ’n kas. ons breek weer los en draai verby ’n atoombomwolk, dan terug in die flikkerende kolk, die enigste realiteit die armleuning en die druk van ’n hansa in my blaas. die wêreld is ons woning nie eindeloos later val ons uit die wolke in ’n meer van liggies en met ’n laaste sak van die vlerk stamp ons op jo’burg international neer. die lyf is ’n broos tuig wat die lewe net-net hou. |
||
© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf. |
|||
