O Roos van my Hof

Joan Hambidge

Wat was haar naam nou weer?
Daardie kind wat onder 'n motor beland
het saam met drie-en-twintig ander
in 'n Lenteloop toe ons moes geld insamel.
Jy weet mos, daardie kind, wat reg voor
ons oë opgelig en neergegooi is?
Reg voor die robot waar 'n Valiant beheer
oor sy remme verloor het. Malus, -a, -um.
Alles het in slow motion gebeur
met skoene soos swaarde deur die lug.
Die een onder 'n vaal kombers,
met haar voet na binne gedraai.
Ons almal by haar begrafnis:
"Wat 'n vriend het ons in Jesus ..."
Daardie kind wie se dood later
uitgebloei het in 'n Latynse toets:
Timidi estis en Puella pulchra est.
En vertaal: "Die rose in die tuin is mooi."
Verdomp, wát was haar naam nou weer?



malus = sleg
timidi estis = julle is bang
puella pulchra est = die meisie is mooi




LitNet: 15 September 2004

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.