Kinders dra hul wonde soos medaljes

Joan Hambidge

Tussen kleinpouse
en grootpouse
leer ons die alfabet
van verwerping, die logaritmes
van verdriet
en die grammatika van afsê.

Naskool vervoeg
ons verder aan standverskille,
die vader se inkomste,
en aksentverskille
tussen die bo- en onderdorp.

Sonder ’n omhaal
van woorde
is ons so om en by twaalf
goed afgerig
om subtiele klassifikasies
neer te pen.

Tabelle van inkomste, stand
en ras
word behendig
ook op die andersoortige kind
gelaai. ’n Klasmaat skuif
skielik weg. Skunnige opmerkings

verwond vir ewig en altyd.
Hier dan die bloudruk
vir die latere onvermoë om dubbelspraak
of konjunktiewe te aanvaar.

So, as Hy weer kom
as Hy weer kom, kom haal Hy
sy pêrels.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.