A room of one’s own

Joan Hambidge

Altyd gedink die vers
is nie aan tyd of ruimte gekoppel.
Totdat my skryfplek,
in jou kombuis (met Frida Kahlo op die agtergrond)
met sy oranje mure, horlosie en skottelgoedwasmasjien
my ontneem word.

’n Ander komputer het my plek ingeneem.

Hoe skryf ’n mens dan nou eintlik?
Wat maak van die ruimte jou plek?

Ek was vier jaar oud
en het my goedjies ingepak in ’n tamatiekissie
langs my bedjie. Daar was ’n klein motortjie, ’n kammetjie,
’n boek (vol kosmerke) en ’n spieëltjie. Later
kortstondig ’n kamer met ’n suster gedeel.
’n Krytmerk op die vloer het die ruimtes afgemerk.
Toe was alleenwees weer my voorland.

Schiller se appelskille in ’n laai,
Hemingway se skerpmaker vol saagseltjies,
Flaubert se hope notas langs sy lessenaar,
wys hoe die skrywer grif. Afmerk.

In transit. Op pad. Uit ’n tas. Heen en weer.
Nie meer ’n plek, ’n ruimte, ’n kas.
Niks is finaal. Elke vers wat ek skryf,

word vervang, oorgeneem, ingeneem.
Onmoontlik om tussen drie en vyf vm.
’n vers te delf in die mynhope van onthou.
Van daardie plek, ruimte bestaan nie meer.
Dit word beset. Oorgeneem. Uitgestoot.

Hierdie vers meld sig aan: steek ’n kleim af.
Versoek ’n Edms. Bpk.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.