Joan Hambidge

I

Ons maaltye
toe ek ’n kind was
(as ek reg onthou), was altyd stiptelik.
Veral Sondae se braaihoender, patats en bone.
in ’n ritueel van verwyt voltooi.

Die vader se afwesige stoel
nou gevul met danksegging, gesprekke oor die erediens
en politieke ontledings van Malan, Verwoerd
en Vorster.

Skaars was die gebed gedoen,
die servette oopgevou en skerp
messe sny meer as die braaihoender oop.

Elke skeppie kos
met sorg en skuldgevoel afgemeet.
Elke glasie wyn
— voor die verpligte middagslapie —
wat geen rusie verwoed
stil.

Die keuse vir ’n snit
(vlerkie? boudjie?) mag ’n ander voorkeur
verraai. Afgemete woorde
en blikke sluip soos slu dolke deur die lug.

Hierom verkies ek steeds die binnegoed
van ’n hoender,
vermy ek soet sjerrie en gekleurde roomys.
Dank ek die Here vir stilte, Sjinese stokkies
en veral Sunlight Liquid.

Lank na die gekletter van die breekgoed
by die opwasbak weet ek:
nog ’n ete was perfek, volmaak —
’n volledige sirkel,
’n kommunie van dunner wordende bloed.

uit: En skielik is dit aand, die bundel waaraan tans gewerk word.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.