Bonfire of the vanities

Joan Hambidge

Die patoloog by ’n post mortem voel
of ruik niks. Hy kap en saag die lewelose lyk
toutologies dood. Hy soek na oorsaak, rede vir die dood
wat nie noodwendigerwys by die voete begin. Maar dikwels
skuilhou in die long of lewer van sy lewelose, gebalsemde objek.

En ek? Die lykbesorger se vrou of handlanger? Ek hou my besig
met die disseksie van “ons verhouding”. Sonder ’n kaartjie om die
toon of toegedrukte oog, staan ons liefde in die teken van lewe.
Maar my proses maak niks dood nie. Dit soek nie na fout, oorsaak
     of
einde. Nee, dit verklaar lewe. Dit laat alles tussen ons menigvuldig
     bloei

soos ’n kersieboord in Kyoto. ’n Brandende vaandel in Hiroshima
ter herdenking van oorlewing aan indertydse verwoesting.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.