Grafte in Bezuidenhoutpark 2

Ferdie Greyling

Winter het gekom en die gras geel gebrand
bo in die park in Bezuidenhoutsvallei.
Skemer lê dié aand al koud op die land
toe ons in die park stap, ek en jy.
Op die rand van die park lê ou geskende grafte;
geslagte setlaars lê hier vergete begrawe.
Hulle was boere — uitdagers van die natuurkragte,
maar op die einde net kos vir wurms en rawe.
Jy sê die lewe het g’n sin — elke naam
op elke graf gaan vervaag en elke steen sal val,
want mense breek en skend alles, niks bly staan
teen die aanslag van die tyd, alles alles sal val.
Die sin lê egter in die val — mense moet breek om te bou;
om te leef is om te bou aan dinge wat nie gaan hou.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.