Dawie Fourie

Wys my die kelkie wyn in die woud,
geliefde, dat ons dronk kan word van die reuk.
Ons sal mekaar se wange blink vryf
soos appels, rooi soos die son se eerste deurbreek.

Jy sal my met jou windstem roep
deur die takke van blinknat bome
en kaggel soos vlamme van ’n vuur,
maar fyn en sag soos jou windharp drome.

Ek sal jou vlugvoetig jaag
soos ’n bokkie — ’n eekhoring -
en jou vang en draai
binne die feëkring.

Wys my die kelkie wyn in die woud,
geliefde, laat ons uitasem drink,
soos filosowe dorstig na kennis,
en as ons gaan, laat ons hink.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.