|
|
|
|
|
|
Therese Fenshamhet ek geweet ...vir my neef Jan wat dié jaar in ’n hijacking dood iswitkopkind sit op my skoot trek my hare, skater en krap in my tas — irritasie het ek geweet dat jy sou vries op ses-en-twintig in ewige jonkheid? ek het nie gedink nie, ek het nie geweet nie ek dink nou en ek weet — genadeloos ek hoop, maar ek word nie wakker nie en niemand bel en sê dit was ’n fout nie ons stap langs die meer — ingehaak verby eende en kaalkopvrugtebome jou sigaret soos die punt van jou vinger ons woorde stoom verby mekaar in warm, idilliese monotone daar’s net mooi om ons waar die berge blou lê het ek geweet het ek jou daar gehou kon jy jou kop neerlê in ’n sagte veld sonder seer hulle sê jy lyk vreedsaam in jou vreemde wêreld al moes jy vlug voor gloeiende pyle wie’t jou kom haal? jou ma? my pa? ons ouma? vertel jy die nuus van die aarde? hier sit ons met die pyn en die tyd wat leer en jy glim in liedjies en lekker kos en jy klim in gister se stories en laggende staaltjies steek ons ’n kers aan en blaas die vlam tot waar dit raak aan jou nuwe drempel steek ons ’n kers aan en sien die goudgerf van die lig — die verbysterende gul lig wat jou ontvang het |
||
© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf. |
|||
