Thérèse Fensham

stadswese

die oggend gooi sy arms oop
en nooi ons almal om te kom aansit
by sy klinkende brekfistafel
al is dit nog vroeg en al leun
duisend stadsliggame
steeds op swerend teernate
’n duisend monde kug rioolslyk soos
bloedige griewe

in ongevalle skiet vrypostige siele
onder kluisterende doktershande uit
nietemin gryns die oggend vermakerig
oor berge prullerig in voorreg gebore
bied eteriese voetpaadjies sonder politiek
of sinkplate aan
(selfs uit khayelitsha is daar ’n fraaie uitsig)

ek sit op die stoep van ’n vyfster presidential suite
per ongeluk - oor ’n ex wat dit goed getref het
(want so is ek gebore)
uit die see klim blou klokke van genade
want blinkkop wag hy sonder onderskeiding
vir jood en bergie, mens en mol

en die oggend giggel soos ’n donserige meisie
- skaad sy pêreljas hartlik oor almal -
waar ook al gebore

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.