versoening

Kobus Faasen

as afrika-tonge oorvleuel,
stilweg inmekaar vleg,
knoop hul impulsief
’n franse gesprek aan
met sagte rondings op die palate:

die taalpalings swem liefderyk
tussen die wit kouklippe
heen en weer
soos in een mond
sweer een tong die ander in,
ter wille van die sinne
word albei woordeloos, stomgesoen

die transaksie bilateraal,
sonder haakplekke gesmee,
konsensus in camera,
mond tot mond, volrond

smaakvol dié afro-erotika
dié soort inboorlingtaal
glad nie te versmaai
vir ’n veelsydige tong,
geskool in die vertolking
van begeertes en drange,
vertroud met die saamsing
van soensgesange
in wellus se gemeente
waar woorde ontbreek

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.