Sononder, Gordonsbaai

Louis Esterhuizen

Na afloop van die dag
bly alleen die see van hier na einder
witgespoel, die soom van sand
verlate, die enkele spore van hulle elders heen
gegaan

Vir ’n wyle nog die lig
uitgeslape in lustelose golwe, dan weg: Opgelos
in die donker wat van iewers dieper
boontoe sprei, dit wat flussies nog kleur was
mettertyd te verdiep tot
klank

die klotserige bote langs die kaai
die kettings wat kreun-kreun anker gee
aan skeepsligte ver uit in ooptes, bonsend
die terloopse ritme van eb en
weg

Die gloed van jou in my arms,
die ruising van jou stem: Waar, vra ek jou —
dié ruimtes om jou, waar kom dit
vandaan —

En hoe diep strek dit om ons heen?

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.