Rupert Brooke (1887-1914)

Johann de Lange

                                 Voorkennis
van sy dood had hy glo ook nie.
Aan boord die Duguay-Trouin
kry hy die beste kajuit,
ruim & met baie son.
Kwart voor vyf sink hy
verewig buite bereik.
Buite sy ruim kajuit
blaker die son,
’n koel bries
soos ’n seun
bring wildeals & tiemie
van die berg se kant.

Ons begrawe hom
dieselfde dag
in die olyfboord
waar hy net Dinsdag nog
met ons gesels het:
grysgroen olywe,
een tranerig bokant sy kop;
die grond geurig
met wildeals, blougrys
& welriekender as enige blom.

Die voetpad van die see
is steil & klipperig.
Elke twintig tree ’n manskap
met ’n lamp. Die draers
vorder langsaam
al is die vrag hóé knap.
Eindelik, onder ’n wolkmaan
met verder weg drie koppies
somber & swyend
soos skildwagte,
sak die kis met die olyfkrans
onder die horison weg.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.