kindervaart

Christo Smith

grys vaartbelynde
lugskip daal kolossaal
soos ’n B-een-bom
met ’n vrede-invalsvrag
selfs die laaste oomblik van
stil suising ontgaan
die volk van hierdie stad
net sommiges
kyk op en staar

aan boord
’n stil saak
net die bevele
hou jou gordel
vas staak rook bly sit
hang
party dink ander
verlang alreeds — die tasse
in die gang skud etikette
lees Danville, Kaapstad
en Durban -
jy word brutaal
vasgedruk elke
sitplek skielik ’n vertroueling
iets soos ratte wissel baar
’n stuiting dreun magtig en
verdoemend neer
sku stu en stuwend

jy dink dis nog ons musiek wat speel

’n halfuur of wat later
is jy voetvry verklaar
op Heathrow se ritssluiter wurmspoor
op britse grond
’n boere setlaar
wat pond kom vreet
vir leef of spaar of dalk ’n stukkie
konsentrasiegrond

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.