26 Desember 2001

Marius Crous

vroegoggend
’n teleurgestelde stem in my voicemail
hoe salig sou dit wees
uit my akademiese nagmerrie
te kon ontwaak met jou
wat vertel van seinheuwel
so die stroperigheid van gesinsdag
opkikker
hier kom die oorblywende gesinslede saam
om die cdspeler
oom boetie kallis en baardskeerdersbos se konsertina
oorskiettert en oorskietvleis
oorskietslaai die mayonnaise bleektaai
verder uitrus na die oorvreet en die oopskeur
van nog ’n jaar se hemde nog ’n jaar se sokkies
nog ’n jaar se dwang van goedwil

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.