Harry Potter

Marius Crous

1.
jy deel nie met my harry potter se magiese rit
wil nie saam besemstok ry
nie saam sien hoe sleutels vlieg
of geskilderdes weer lewe kry
ons rit saam vorentoe
is ’n kwiddietsj-spel
jou hart — goudgevlerk — die trofee

2.
soms wonder jy steeds
of ’n vrouebors nie beter voel
as ’n harige torso
of ’n vrouvars gleuf
nie beter is
as ’n apteekgesmeerde kloof
’n stoppellose mond
nie dieper soen
stuur jou oë soms
’n vyandige sms
soms as ons wieg in mekaar se baklê
ons taalloos fluister in mekaar se ore
wonder jy

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.