stap

Carel Coetzee

waar vind jy jouself:
agter die waterberge onder ’n volmaan
of tussen die stiltes van ’n veraf plek?
as jy een oggend jouself in die spieël sien
werklik sien
en die mens wat vir jou kyk nie herken.
en eendag as die seisoen die strate weer
begin was
word jyself ook skoongewas as ’n ander mens
jou laat besef hoe jy die mense wie jy so lief
naby jou hart dra
so maklik wegstoot, om jouself daardie seer
te vermy
of miskien net omdat jy bang was
hulle gaan soos ’n winter vanaf die bome afgly
en wegraak -
druk ons liefde soms so styf
dit smoor.
ek het lank so na myself in die spieël gestaar,
besef dat elke mens wat ek wegbêre binne myself
lê in my oë soos ’n blou rivier;
ek kan nie elkeen se rugsak dra nie
ek moet myne eers uitpak
al die mooi dinge uitsoek
vir hou,
dan kan ek verder stap
met my rugsak
vol mense.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.