Villanelle vir GP

Neil Cochrane

Westdene, whiskey, water
Sodom uiteindelik stil
net uit Westbury klink daar sporadies ’n skoot
’n sirene loei — iemand is dood — Amanda Strydom

almal ken die kwiksilwerige vloeibare vrees
wat in labirinte van wolkekrabbers slaap
die Minotaurus dwaal in loopgrawe van die gees

ongebonde spoed sy na die oggendteefees
op die voorstoep in ’n droom gehul tuur Jaap
almal ken die kwiksilwerige vloeibare vrees

die fetus ballisties ontruk uit die moedervlees
’n puntenerige koeël wat deur metaal skraap
die Minotaurus dwaal in loopgrawe van die gees

vrugwater en bloed vorm letters om te lees
dit spreek dossiere oor die land van kaap
almal ken die kwiksilwerige vloeibare vrees

’n Ambulans bokspring rooioog — ’n jillende Kees
sy kontrakteer wild in pyn en bedelaars gaap
die Minotaurus dwaal in loopgrawe van die gees

dat kapers help hul vang, maar laat hul tog wees
binne millisekondes word lewensjare opgeraap
almal ken die kwiksilwerige vloeibare vrees
die Minotaurus dwaal in loopgrawe van die gees

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.