as kinders het ons

Hanna Bruwer

as kinders het ons
by die roomysman soms
witwarm stukkies ys gebedel,
versigtig die klitsklontjies
in ’n hempspant of roksoom aangevat,
huis toe gehol, water in ’n bak getap
en sonder om daaraan te vat
ons towerklippies in die poel laat sak

oe
aaa  …
in vervoering het ons telkens vasgenael gekyk
hoe die water eensklaps kook en prut,
wit rook oor die bak se rand
stort
oor die tafel kruip
afkrul teen die pote en
soos mis voor son
verdwyn

net so
net so
— met spierwit pluime wat oprys oor die stad,
die reus se vrou wat haar dik woldoek oor die tafel sprei,
ragfyn punte om die hange vlies,
met haar sedoos die misvuur stook —
lyk die berg vandag,
soos altyd weer:
baie, baie mooi


LitNet: 07 April 2004

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.