DPM Botes

gedig

o ek beny hulle
die ontslapenes
hulle vir wie die lewe reeds ophou bestaan het
toe onder die kluite
ver van die gekibbel die gestry
die geskree van mense amptenare werkgewers
        hoofbestuurders

woorde kan hulle nie meer seermaak nie
optredes handelinge laat hulle koud
soos hulle koud rus in die aarde
hulle vir wie die vier seisoene een geword het

hulle sonder verwagtings sonder hoop
wat nooit weer deur vensters sal kyk
    met oë vol trane nie
vir wie kom en gaan soos woorde self
alle betekenis verloor het
vir wie die taal self ’n skelet is

o en is hulle nagedagtenis nie glansryk nie
blink soos diamante
suiwer soos goud
o ek beny hulle
die ontslapenes wat vir altyd slaap
deel geword het van die slapende aarde

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.