|
|
|
|
|
|
Martjie BosmanGraffitiDie bosveldboer het hier waar die Sandrivier se suinige water die berg gekloof het ’n huis teen die rots gebou, dit met gras oordek en gereedgemaak vir toerders en sat stedelinge. Ons klouter soos dassies die klipplaat uit, kyk hoe Swanepoel en Motsweu hul name mors oor jagter, olifant en koedoekoei. Loerie en suikerbek verf skitterend die bergaalwyn en voëlent, blare van boswilg en sering laat spatsels soos ligene geel en rooi en hoog streep arend en aasvoël teen die krans. In die droë bedding trap ons dwars oor die fyn pad van bosbok en tarentaal, maar sluit die deur as ons die luiperd woordloos hoor. |
||
© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf. |
|||
