Johann P Boshoff Johann P Boshoff (Jan Kempdorp, 1956) het sy kleinkinderdae in Johannesburg deurgebring, in 1973 in Bloemfontein gematrikuleer en in 1983 sy BA Hons in Afrikaans-Nederlands (letterkunde) aan die Universiteit van Johannesburg (destyds RAU) verwerf.  In sy beroepslewe was Boshoff onder meer klerk, akteur, onderwyser, taalpraktisyn en uiteindelik, tot 30 Maart 2004, hoof van Afrikaanse vertaling en redigering van die Nasionale Taaldiens, Departement van Kuns en Kultuur. Dan verhuis hy na jare in Gauteng terug Vrystaat toe om hom toe te spits op sy skryf- en vryskutvertaalwerk. Boshoff publiseer (as solo-publikasies en bydraes tot versamelbundels) sedert 1983 aanvanklik grootliks akademies en sedert 1998 veral nie-akademies, te wete poësie, kunsprosa, Christelike oordenkingsbundels en joernalistieke werk.  Laasgenoemde toon sy belangstelling in alle kunsvorme, kunstenaars, die dorp Rosendal en fotografie. Sedert 5 April 2006 woon Boshoff op Bethlehem in die Vrystaat.

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.