Torings en terreur

René Bohnen

IV: Gerugte van bomme

Voor skool vandag het ek ’n American corn-troetelslang
se blonde lyf om my skouers gevou
en sy fladdertong was ’n sagte voorbode teen my wang
in die veerligte oggend voor cappuccino en ’n koerant
waar ’n kind met helder oë vanuit Afganistan
op ’n oop trok vlug oor die grens na Pakistan
want ’n ver stad se pilare het soos sand geval
’n groot land se hol berge is tot stof verwoes
en in die ewige profesieë van hoekom en waarheen
klou die uitgerafelde rooikopdoek-kind
aan sy enigste vertroude woord, soos altyd:
Islam
en die kind vlug half opgewonde en amper bang.
In die oggendslang se oë was daar melk
hierdie lente van Amerika se rou
bravade en lanfer voorspelling van hel.
Ons sal die son sien kom
as die slang vervel.

Lees ook I, II, en III

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.