Op awol gaan plak ons ...

Andries Bezuidenhout

op awol gaan plak ons
by hendri se ouers se ottersnes op sandbaai
wat wegkruip langs ’n stofpad tussen bosse

volgens roetine, as die son sak
volg ons die pad na die see,
stap met los litte en uit pas  

by die rotse draai ons regs
en kronkel tot op onrus se strand,
seewind in ons kort hare en truie

ons maak vuur tot vroeg in die oggend
skaduwees speel op onskuldige gesigte
meng bier en tassies in omgekeerde cokebottels

val disnis rond, salig onbewus
van groot skrywers wie se kuiwe of nekhare
profaan bo die toetse van tikmasjiene hang

(ek blend in saam met hendri se pelle
tydelike suidwes aksent
veraai nie dat ek ’n valie is nie)

nuwejaar brand die strand se vure hoog
gloeiende kraters op ’n maanlandskap
die polisie skop jaloers die vure dood

maar ons het genoeg vlamgoed en brandhout
vir tot volgende jaar, speel kitare,
andré letoit en leonard cohen

as die kurke die koms van die negentigs pop
soen ons vreemdelinge hartstogtelik —
meisies wat wegvlug van habonim

gelukkig, soos ’n jeugverhaal,
want dis hoe ons vryheid verstaan —
seeboek van die weermagdrosters

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.