Notre Dame

Andries Bezuidenhout

as jy doodstil gaan staan,
jou oë toemaak — jou asem hou:
voel jy nog die swiepende mantels
van kardinale wat eens die stiltes versteur het,
hoor jy die hakke van stewels se ritmiese kap
wat trotse dogma oor klipvloere trap

kyk mooi: agter verbode deure
se grendels en slotte van yster —
in gange bewaak
is heiliges eens gebreek of gemaak,
het ketters in kettings verbygeskuifel,
is kanons in wording agter hande gefluister

luister fyn: onder hierdie koepels
weergalm nog kantates, hang die reuk
van eeue se bedompige wierook,
bieg ’n skare van sondaars
in ewigheid, die sondes
van moeders en vaders voort

sien jy: net demone klou nog verbete
aan die kloktorings vas
bewaak die poorte en die heiliges
en gewigtige sleutels
met ’n inferno wat reinig,
wat suiwer, wat was

nou staar toeriste in honderde tale
na ’n bedremmelde mis
onder elektriese lig

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.