Andries Bezuidenhout

Osoon

(lilla wolle langs hansworse se koppe
maar bome lag nie as dit hael nie
net as dit reën)

dalk word die gat in die osoonlaag ook groter
soos ’n bles
of soos ’n meswond wat oopgaap

in november reën dit al hoe meer in pretoria
kom die donderstorms uit die ooste
en slaan donderblitse van agter yskor se hoogoondgloed

die reën kom elke jaar al hoe later
bekommerde britse wetenskaplikes voorspel ’n honderdjaar-droogte
vir die kontinent — ons voel dit al

(hul kommer draai dalk om skuld
soos ’n jakarandablom in die wind
of fabrieksrook na bo)

maar in november is daar weer hoop

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.