Andries Bezuidenhout

Hok

soms klop die ritme in ons oosblok-styl woonstel
saam met die klanke van jou hande in die wasgoedbak
en die reën deur die geute van die dak
van ’n paar verdiepings na bo

in die oggend word ek wakker
as jou voete oor die los houtblokkies trap
(vorige huurders het die bad laat oorloop)
en raas saam met ’n vullistrok wat blikke pars
vir ’n asgat langs die township
(ja, steeds die geografie van reuke en rommel geskep deur ou mans
met kom- en kakvlekke in hulle slap onderbroeke)

gisteraand het nog ’n lig geblaas
die bedrading het vonke gespat:
nie dat die landlord gepla sal wees nie

so degenereer ons goedkoop hok
tot druppende krane
stukkende proppe en vensters
en vere wat uit matrasse spring:
jacks in a box

en ek sit passief
nie eers motoralarms of raserige restaurantklante
kan my tot aksie oorhaal nie
wag vir beter dae ...

ek sit op my hande
jy kners op jou tande

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.