Andries Bezuidenhout

Die betekenis van die lewe

vanmiddag gooi die son ’n skynsel teen die muur
oorkant my woonstel se voordeur
en kleur dit baksteenrooi soos die mure van brittanje
se werkersklaswoonbuurtes in die monty python-flieks

maar hier dans nie nonne met stootwaentjies
en biskoppe wat kan hip hop nie
mense praat met gewone aksente en vloek met rede

vanoggend het die skoonmaker met ’n breë mop
en ’n emmer deur die gange geloop waar die sports bar junkies
gisteraand kom pis het
en die geel vlekke oor die 1950s vloer versprei
saam met jare se voetstappe van agterstraat-wannabe’s
en boemelaars en bediendes en pasgetroude couples met babas
en die klanke van treine
en goedkoop hifi’s met gerekte tapes

vanaand sal ek die dolby in my kop aansit
vir die geruis tussen die stereogeluide
van oonde en vuiste wat toeklap
en helikopters met soekligte
oor ’n oorbevolkte woonstelbuurt

want sunnyside is veilig in die hel

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.