Andries Bezuidenhout

Gebore: 21 desember 1969

ons wat nooit die du plooys van soetmelksvlei ontmoet het nie
ons wat nooit die lem in tsafendas se hand sien flits het nie
ons wat nooit opgewonde geraak het oor oorloë op ander grense nie
ons wat net die gatkant van julle idealisme sien verbyskuif het
voel nie jammer nie
ons het niks verloor nie
(nie elvis nie, nie al debbo nie, nie jamie uys nie)
ons is nie geforseer om te verander
of om toesprake te maak nie
ons maak nie of ons die land verander het nie
en bely nie ’n sonde met ’n knop in ons keel
of met gekruisde vingers agter ons rug nie

julle heimwee staan ons nie aan nie
ons onthou nie onthoudae toe ons nog ...
en ook nie nuwe idealisme onder nuwe vlae nie
ons het geen nostalgie oor dae toe dit nog goed gegaan het nie
ons wil nog steeds net oorleef, dankie:

ons is burgers van die wêreld,
kinders van afrika ...
dis ons wat in angola en in wimpy bars moes vrek

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.