Andries Bezuidenhout

Afrika se wit kinders

my vriende kuier tussen kraalmure
in januarie se reën
onder skakerings grys wolke wat laag oor ons koppe waai
net noord van pretoria

tassenberg, black label, perlé-wyn se borrels

die veld ruik na groen kakiebos en grassade
na ’n papnat desember en ’n oorvol gariepdam
(baie groen en baie grys) my vriende steek kruie aan
en die soet rook kuier in die mis in

en hansa en gauloises

as dit donker word brand fakkels en lanterns
en pretoria se ligte verder
om die vuur in die middel draai afrika se wit kinders:
motte met geel reënjasse en lang hare en ronde donkerbrille

malawi en swazi

die hifi op ’n battery
sing led zeppelin en bob dylan en koos kombuis
’n vetplant langs die kraalmuur dans tussen vlamme
die vuur brand ’n nes in die gras uit

en acid

my vriende buig hulle nekke na agter
en die vlamme weerkaats van bolippe en uit neusgate
as hulle opkyk om die kleure in die nag te sien;
daar’s so baie kleure in afrika benewens wit...

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.