|
|
|
|
|
|
Chris BassonPasiëntDie verf is af op die katelstyl en steek deur die wit soos vuil koors hang soos ’n nat gordyn oor die pyn sy vel is deurskynend en koud en sy oë lê moeg in die bleek en die kwyn van sy kragte se laaste teug gryp die blouaar hande die witter lakenrante vas en die pols verdwyn Die wit van die kamer is dood bottels medisyne staan soos monumente van glas van sy uur van nood in hierdie bed in die ring deur die bedgordyn van die wêreld daarbuite afgekring ’n stilwind ruk die vensterraam soos ’n skoot in die stilte en ek wonder of dit ’n glimlag is wat vorm om die hoeke van sy mond Rustig en stil is die blink van die vloer om die bedkas se hoek waar ek sit sien ek die sterk man wat was uit die weerkaatsing van die ruit en staar na die vraag in die vlekvrye staal waar is hy nou heen wat maak hy nou hang sy gees hier by my in die saal Die stil gelaat sê niks en ons groet solank die nietige vlees die bekende vertoon is hy hier wonder ek met ’n traan soos my oog gaan rus teen die wit plafon waar is die heerlike lag en die sprankeloog wat was leef ’n mens hierna net in die oog van ’n ander In die stadsgeraas daarbuite klop die lewe voort huil ’n sirene as ek uitstap op die stoep die suster het sy oë toegemaak en hy lê stil onder die wit laken en nou groet ek die helder son die dreunende stad en die woel van die lewe vir oulaas vir hom |
||
© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf. |
|||
