As jy Karoo was

Ian Smith

Met die oerhitte van ’n porrende stampson
stu ek bruusk en
halsstarrig soekend
deur die bronstige bossiekors
van jou berge en dale.

Deur jou lae primordiale lewe
daal ek biljoen na biljoen jaar af
tot by die embrio’s van jou gisters
vasgelê in ’n nanoterugflits van ewigheid.

Hier diep-diep binne-in
is die jaarmerk van jou eerste soen
geplant op ’n volhormoonmond
lokkend soos anemoon.
En hier — waar ’n skeletjie fetaal
uit ’n verre tyd vasgepars lê —
het die altyd-pyn van dood en verlange en seer
deur jou diepste onbeskutte broostes
geskroei soos eerste weerlig.

Deur die koue verlate noutes van jou poorte
daal ek beswymeld verder tot waar ek kom
lê kry in jou prehistoriese bekken.
Ja, in die kom van die oernag
dans ek en jy en leonard cohen
op die warm winde van ontdekking.

Totdat ek eeue later dronk
van ’n raaisel opgelos in ’n spieël sien
weer alleen opspiraal na bo
en lawawarm bars
deur die bronstige bossiekors
van jou berge en dale.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.