my ma inne boksie

Ian Smith

my ma is in ’n boksie
my ouma in die aarde  ...
(Met apologie aan ’n vergete volksdigter)

In my skilpadnekhande
hou ek jou alles vas:
van ontkiemde eiersel tot nou
net vlokkies as

Van as tot as en moenie vergeet
as is verbrande
mens
wat geleef het
van sel tot was tot as

As ek net weer jou lag kon hoor
jou wyse woorde skerp kon ruik
selfs na jou surf-blou oë kon kyk
skommelend in ’n see van onthou

Vandag veral is die seer onslukbaar
want ’n halfeeu plus een jaar
terug
het ek uitgebeur tussen jou heupe

Wat nou lê inne boksie
in my skilpadnekhande.

18 Januarie 2002

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.