chance encounter

Karina Swart

sy kon my ma gewees het
met haar jare (sonder my)
so bloedbekend soos 'n niggie
so ver soos 'n verafgoding

haar ywer skril: 'n
skroeihelder begeerte

sy vereis ons aandag
onwrikbaar pal soos 'n peuter
onvatbaar hardegat met haar heilbede
innemend systap sy haarself

haar hart so soet soos snoepgoed
'n tydbom op tyd

sy kan hier wees en weer
was sy net 'n begeerte

veglustig strak verlig
lag haar mond       later
'n vurige verrassing
in 'n deurnat donker

vir 'n verflenterde gety
soen sy my met haar geil geheime

[: "daar is niks so succulent
soos 'n vrou se seks" stroom
dit stoomwarm in my
uit my ma se pel se mond]

NOTA: Ek ontvang graag reaksie op hierdie teks. Stuur dit na dbbotha@mweb.co.za.
DANIE BOTHA

boontoe / to the top

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.