Toast Coetzer Suid-Afrika 33 - Ierland 18 Ek en Gil het gaan rugby kyk by die Vasco da Gama Tavern in Groenpunt. Daar was gelukkig twee stoele oop by die bar counter en ons was net-net betyds vir die laaste note van Die Stem (niemand in die kroeg het eintlik gesing nie). Die luim in die kroeg - hulle maak ook baie lekker kos - was versigtig-optimisties. Daar was talle ag-hier-gaan-ons-weers toe ons in daai eerste beweging al aanslaan. En niemand was aan Gaffie se kant nie. Later, toe hy weer voor die pale aantree om te skop, toe roep een vrou verbete uit dat Gaffie te kak is om die maklike skoppe oor te sit (“watch nou, watch nou”). Toe skop hy dit oor. Daar was ’n man twee stoele links van ons wat heeltyd koerant gelees het en glad nie geintereseerd was in die game nie. Verder was almal betrokke, insluitend die omie in die aangrensende off-sales, wat nou en dan om die deur kom loer het wanneer die skare gejuig het. Op daai manier mis mens eintlik niks van ’n rugby game nie. Kyk wanneer die mense juig, dis al. Ek het ’n Milk Stout en ’n Castle Draught gedrink, Gil net ’n Milk Stout. Ons’t elkeen ’n bordjie chips geeet. ’n Man langs ons het garnale geeet.

Klik op foto vir vergroting.

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.