Archive
Tuis /
Home
Briewe /
Letters
Kennisgewings /
Notices
Skakels /
Links
Boeke /
Books
Opiniestukke /
Essays
Onderhoude /
Interviews
Rubrieke /
Columns
Fiksie /
Fiction
Poësie /
Poetry
Taaldebat /
Language debate
Film /
Film
Teater /
Theatre
Musiek /
Music
Resensies /
Reviews
Nuus /
News
Slypskole /
Workshops
Spesiale projekte /
Special projects
Opvoedkunde /
Education
Kos en Wyn /
Food and Wine
Artikels /
Features
Visueel /
Visual
Expatliteratuur /
Expat literature
Reis /
Travel
Geestelike literatuur /
Religious literature
IsiXhosa
IsiZulu
Nederlands /
Dutch
Gayliteratuur /
Gay literature
Hygliteratuur /
Erotic literature
Bieg /
Confess
Sport
In Memoriam
Wie is ons? /
More on LitNet
LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.

Neem my op (literêre) vlerke, SkermEngel!

Erns Grundling

In die begin was daar glo ’n paradys waar mens en dier in harmonie saamgeleef het. Dit was die tye van reuse en engele en allerhande magiese kreature, hemelwesens en gedrogte.

Die Klein-Karoo Nasionale Kunstefees op Oudtshoorn se Boekeparadys is een van die gewildste besoekplekke tydens dié fees. Veilig gebêre in die statige CP Nel-museum, verskans teen die boereworsgordyn en luidkeelse geblêr, is die Boekeparadys ’n plek waarheen mens kan ontsnap en asem skep.

Elke web het ’n spinnekop, elke Eden ’n slang, maar vanjaar het die Boekeparadys met ’n engel gespog.

Vanjaar het LitNet se SkermEngel-projek sy eerste buiging in die Boekeparadys gemaak. Bewapen met ’n skootrekenaar, projektor en 2m x 2m skerm, het Liezl Dick — kompleet met engelvlerke en wit gewaad — “gewaak oor die skoonste taal”, om ’n aanhaling uit Die Burger te gebruik.

Vir die eerste vier dae van die fees het die SkermEngel feesgangers en geesdriftiges betower deur vanuit ’n hoogte te tik en ’n interaktiewe screen saver (vandaar die naam SkermEngel) te skep. Sy het gedigte uit die Groot Verseboek 2000 en verskeie ander boeke getik wat dan (letterlik) letter vir letter op die skerm verskyn het.

Tydens die boekebekendstellings het sy dan ook uit die betrokke skrywer se werk getik. Die SkermEngel was behoorlik besig en het ver oor die 200 bladsye in Microsoft Word in die vier dae die lig laat sien.

’n Powerpoint-skyfievertoning, met heelwat hoogtepunte uit LitNet (veral die SêNetters se wyshede), het deurgaans op die skerm gewys.

’n Hoogtepunt was ongetwyfeld die bekendstelling van Koos Kombuis se nuwe roman, The Secret Diary of God. Die SkermEngel het ’n onderhoud met Koos gevoer, maar geen woord is gepraat nie. Sy het die vrae getik op die groot skerm, en Koos moes dit dan dadelik antwoord. ’n Volgepakte Boekeparadys het hierdie fassinerende onderhoud aanskou, en Koos moes behoorlik op sy voete dink. So kon die publiek gesien het hoe ’n skrywer “skryf”.

Hier volg die onderhoud wat die LitNet SkermEngel met Koos Kombuis gevoer het. Die bekendstelling het op 1 April in die Boekeparadys tydens die KKNK op Oudtshoorn plaasgevind.

(Om getrou te bly aan die interaktiwiteit en die “onmiddellikheid” van dié geïmproviseerde vraag-en-antwoord sessie, is daar niks aan die teks verander nie.):

Goed, eerste vraag.

SkermEngel: Hoe definieër jy God?

Ek dink nie dis moontlik om Hom te definieer nie. Hy self openbaar Homself eerder deur stories en gelykenise as deur definisies.

SkermEngel: Is daar ’n fyn lyn tussen humor en godslastering? Waar eindig die een en begin die ander?

Yes, there’s a very fine line between bad taste and playful irreverence. Ongelukkig trek nie almal die lyn op dieselfde plek nie. Vir my is party van die godsdienstige kanale op DSTV naby aan godslasterlik.

SkermEngel: Why English?

Ek het nie geweet wat is irreverence in Afrikaans nie.

SkermEngel: Wat sal jy maak as God nie ’n humorsin het nie?

Ek sal sê Sorry Oom!

SkermEngel: Wat dink jy van die hele God-debat wat deesdae op LitNet en in die gedrukte pers woed?

Ek het baie respek vir sowel Maryna as Steve en ek dink die debat is ’n baie goeie ding!

SkermEngel: Wat was vir jou die moeilikste tydens die skryf van jou boek?

Om te tik met die een hand terwyl ek my nuwe baba vashou in die ander.

SkermEngel: Maretha Maartens se Pot vol Winter is destyds in die laerskool skelm onder die banke gelees. Dink jy The Secret Diary of God gaan ’n paar Sondagskool-onnies se wenkbroue lig?

Ek en Etienne v Heerden het Breyten se eerste werk onder die skoolbanke gelees, en later het hy allerhande pryse gewen!

SkermEngel: Wie moet NIE jou boek lees nie?

Saddam!

SkermEngel: Is daar ’n boyband in Eden (Verbode terrein vir engele, jy weet!)

Ek hoop daars ’n oulike girl band!

SkermEngel: En laastens, hoe dink jy sal “The Secret Diary of Koos Kombuis” daarna uitsien?

Dit sal hopelik deur niemand as godslasterlik beskryf word nie.

Baie dankie aan Liezl vir haar Engel-wees, Johan Pienaar vir tegniese hulp, VisionMedia vir die toerusting, Douw Steyn van News24 en Leon du Plessis en sy vriendelike span in die Boekeparadys. Sonder julle hulp sou die projek nie moontlik gewees het nie.

Wees op die uitkyk vir die LitNet SkermEngel in die toekoms! Haar vlerke is nog lank nie geknip nie ...

boontoe / to the top


© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.