|
|
|
|
|
|
|
Ouma Ossewania het dit steeds veil vir haar volk, maar hulle vir haar?Sarah PrinslooOuma Ossewania praat vuil Pieter-Dirk Uys was nog altyd 'n afgryslik eg Afrikaner, en weer eens bewys hy dit met Ouma Ossewania praat vuil, nou te sien by die Civic in Johannesburg. Glo my vry, Ouma Ossewania praat inderdaad vuil. Sy praat openhartig-kwadraat, blatant bar en tot op die been! Niemand word ontsien nie. Van ons grootste leiers tot haar eie familie loop onder haar skerp tong deur. Wees dus gewaarsku: die stuk word nie aanbeveel vir 'n gehoor wat maklik skrik, noodwendig na hul asems snak of sku is om 'n drol 'n drol te noem nie. Met haar vertelling en oopgevlekte humor vervleg sy haar lewensverhaal met die apartheids- en politieke geskiedenis van ons land. Ongelukkig is dít soms effe uitgerek en selfs by tye flou. Ouma Ossewania Kakebenia Poggenpoel is in 1900, gedurende die Anglo-Boereoorlog, in 'n konsentrasiekamp gebore. Sy is 102 jaar oud en het reeds drie oorloë, die val van apartheid, die einde van vele hooggeplaaste politici, en - soos uit haar vertelling afgelei kan word - ook etlike predikante en kerkkoorlede oorleef. Sy's veral lief vir blomme rangskik en was vir jare die jongste orreliste van haar kerk, waar heelparty "ongeruimdhede" ook plaasgevind het. Verder is sy 'n direkte afstammeling van Sarie Marais - die immergewilde ikoon - én Gerhardus Poggenpoel. Pieter-Dirk Uys is 'n briljante komediant en 'n skitterende akteur. Tog wonder ek hoe lank die materiaal waarop hy stukke soos hierdie een baseer, nog relevant of interessant gaan bly. Die jonger Suid-Afrikaner is gatvol en versadig geforcefeed aan die politieke verlede en hunker na iets vars om aan vas te hou. Tog, glo ek, sal 'n uitgesoekte gehoor altyd aan sy lippe bly hang. Ewenwel, moenie 'n kuiertjie saam met Ouma Ossewania misloop nie. Dis altyd beter om 'n mens se eie opinie te vorm!
Wil jy reageer op hierdie inligting? Stuur kommentaar na webvoet@litnet.co.za om die gesprek verder te voer op SêNet, ons interaktiewe meningsruimte. |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf. |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
