Die Sanlam/LitNet aanlyn-skryfskole

koejawels val van 'n boom op George

Riana Wiechers

besig was daai warrelweek
AVBOB het gevra vir ‘n foto van jou
‘n bergwind het die prentjies uit ‘n boks gewaai
die swart en wit vensters teen my bors laat klou

doodstil was daai naweek
net in dowwe plowwe kon ek jou steeds hoor
die koejawelboom se vrugte het grond toe geval
met elke plof was jy oraloor

elke geelpittraan het die stilte geskud
my laat huil
en onthou
hoe jy daardie suur jaarliks tot soetheid kon bou

eers inlê

dan uitdeel

jy het laat getrou was ‘n werkende vrou

het die Here gedien
een kind verloor
met hoenders geboer

‘n Geheim gehou

en ek wens ek kon so pynloos onthou
soos ‘n boom wat haar vrug sonder groet laat gaan
so sag soos tyd
so gemaklik soos ‘n naam

maar as ek skryf oor jou
dan noem ek jou Jou

sukkel om Ouma te sê
of te dink aan waar jy lê

LitNet: 23 Mei 2006

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.