Die Sanlam/LitNet aanlyn-skryfskole

om huis toe te gaan

Selwyn Milborrow

om die veiligheid van jou huis
en klokkestemme van jou kroos
vir grofgeskut en loopgrawe te verruil

om oorlog toe te gaan
en as soldaat
tussen tenke en lyke
te skuil -

wat 'n stryd was dit nie…

maar kyk, pa,
jy hoef nie meer op vlug
te slaan -

oorlog hang nie meer
tussen son en horison
dit bly in aanhouding

'n halfeeu later
wandel vrede in stede
en systraatjies van die hart

het jy dan nie in Aachen*
uitgesien na kinders op jou skoot
en om eendag weer vry te loop -

dié droom kon jy bewaar
met jou laaste huistoe gaan

*Aachen was die eerste Duitse stad wat die geallieërde magte binnegeval het gedurende die Tweede Wêreldoorlog. Hierdie gedig is opgedra aan Diana Ferrus se pa, 'n oorlogsgevangene. Hy was 'n lid van die Kaapse Korps.



LitNet: 21 Junie 2005

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.