Die Sanlam/LitNet aanlyn-skryfskole

alternatiewe roete

Lindy Worth

die weg na hades
was 'n road so smooth
met 'n kaart wat lieg
en padtekens wat bedrieg

smokey teem
oor die arms en charms
van iemand spesiaal

en ek het my verkyk
aan bikers met badges
en black moustaches
wat nes helse engele lyk

die kosmos blom bont
rave rond op die wind
en iewers, ja iewers,
lê 'n muishond stink

die pad was mos veilig
wit kosmos heilig
maar ek het antjie somers opgelaai
was dit 'n collar en tie?

*

terug by jou huis
my laventelbos vrek
jou honde het bly
aan my hande bly lek

en altyd sal ek wonder
oor die wit van kosmoskruid
en in besonder
of 'n padteken regte kant toe kyk



LitNet: 28 September 2005

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.