Die Sanlam/LitNet aanlyn-skryfskole

Bevryding

Cornelle Carstens

Dagbreek is 'n godverlatenheid
wat jy nie kan beskryf nie:
die egbreuk van dag en nag

die son is 'n hoer
wat straataf hardloop:
die Johanna van Arkel
wat voordag soos 'n houtluis
uit die brandstapel gekruip het,
om die kroon van onsterflikheid
en die vae fluistering van vuur
in 'n tonteldoos te versteek.

Jy staan skilloos, draadkar
in 'n ontbrande braambos,
'n inferno wat leef en sidder
binne die profane gebed van vuur.

Jy bars van lig en vlam deur my -
die duisternis spoel uit jou kraters
soos lawa:
God se vinger lê in puin,
'n sonwyser wat vir ewig na nêrens wys.

Jou naam
brand rissieblink en veragtelik skerp
op die punt van my tong

jy is Pompeii




LitNet: 21 Junie 2005

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.