Die Sanlam/LitNet aanlyn-skryfskole

Sterfling

Cornelle Carstens

Trek uit
op die songod se triomfwa!
Trek uit;
maak los die kniehalter
van die duisternis:
vandag rol ons die son om die aarde …

maar as godverdomde miskruiers
die leisels laat skiet,
stort kruiwaens kole kranse af -
en wêrelde loop wyd oop,
verwater in die vuurdoop
van vonke
wat wondspelonke laat hars drup
om die egbreuk van dag en nag
te verseël

wie sal ons begroet
by die hekke van Hades;
ons lywe afspons met mirre en wyn?

Want as deurgangsrite
moet ons die juk opneem
en die las van ons onhandigheid
teen gletsers uitsleep

sal ons dan weet hoeveel maal
ons deur die uurglas gly -
as ons die jaarringe tel wat soos muf
op die perkament van ons huid
kom nesmaak?

Wie se oë
sal dan die reisjoernaal lees
ná ons die stewels bleek en uitgetrap
langs die koue herd opgehang het?

Want bieg slaan teen
die koepels van stomheid vas
en koggel uit katedraalhoeke
totdat die sotheid van stem
in 'n keelgraf
           stil word.

Ontheemde reisigers ken nét napad …



LitNet: 03 Mei 2005

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.