Die Sanlam/LitNet aanlyn-skryfskole

strandveld

Andries Samuel

sal jy met my saamkom dan?
ek beplan 'n trip die duidelikheid in
ek wil ons weskuskalmeer
vars uitspan in die seelug

tog weet ek: kom sal jy nie
ek sien myself jou deurklokkie lui
jou oë vir 'n oomblik helder,
maar verdor gou tot bitter amandel

miskien sal ons op die vloer sit
jy binne teen die kosyn en ek buite die hek
naby genoeg om te vat, maar iets versper
soos die traliehek tussen ons

ek het baie om te regverdig
maar die stilte is soos die agtuurnuus
hoe wens ek nie dat jy met my kan saamkom
hoe klou ek aan jou vas teen myself se spyt



LitNet: 21 Junie 2005

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.